Лениногорск районы волонтерлары тыл хезмәтчәнендә кунакта булдылар

2022 елның 22 июне, чәршәмбе

Кичә, 21 июнь көнне, Лениногорск районы «Исток-Башлангыч» халыкка социаль хезмәт күрсәтү комплекслы үзәге белгече Снежанна Горбунова «Волонтер» отряды балалары белән берлектә тыл хезмәтчәне Анна Бурыкинага бардылар.

Волонтерлар Бөек Ватан сугышы турында кызыксынып тыңладылар, туганнарының гаилә фотоларын кызыксынып карадылар. Узган авырлыкларга карамастан, Анна Бурыкина оптимист, хезмәт сөючән һәм мәрхәмәтле хатын-кыз булып калган.

Тыл хезмәтчәне һәрвакыт балаларның игътибарына һәм кайгыртуына шат. Бу юлы да ул үзәккә ярдәм өчен рәхмәт белдерде.