«Кайгырту» үзәге карамагындагылар парк буйлап йөрделәр
Мамадыш районындагы «Кайгырту» халыкка социаль хезмәт күрсәтү комплекслы үзәгенең көндезге бүлекчәсе социаль хезмәт алучылары «Паркта күңелле йөрү» чарасында катнаштылар. Ул парк ретриты технологиясе ярдәмендә мөмкинлекләре чикләнгән өлкәннәр һәм инвалидларның тормыш сыйфатын яхшыртуга, табигать белән аралашу аша гармонияләштерүгә юнәлдерелгән иде.
Башта тәрбияләнүчеләр парк зонасы буйлап йөрделәр, паркның бөтен инфраструктурасын һәм табигатен карадылар. Аннары алар спорт уеннары: боулинг, футбол, волейбол уйнадылар. Физик активлыктан соң кечкенә генә тукымалар ясадылар, парклар турында сөйләштеләр, туган як турында шигырьләр искә төшерделәр.
«Кайгырту» халыкка социаль хезмәт күрсәтү үзәге белгечләре билгеләп үткәнчә, саф һавада йөрүдән соң көндезге бүлеккә килүчеләрнең кәефе яхшыра.