«Здравушка» тернәкләндерү үзәгендә «Куркынычсыз юл» дигән чара узды
Бүген Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә «Куркынычсыз юл» дигән чара узды. Учреждениенең социаль педагоглары тәрбияләнүчеләр өчен җәяүлеләрнең юл хәрәкәте өлешендә үз-үзләрен тоту кагыйдәләре турында мавыктыргыч тамаша үткәрделәр.
Чараның кунаклары – Казан шәһәре ЮХИДИ бүлегенең пропаганда бүлеге өлкән инспекторы полиция капитаны с. Гостев һәм шәһәр башкарма комитетының әйдәп баручы белгече Ю.Н. Дубова. Алар балаларга юлдагы куркыныч хәлләр һәм аларны ничек булдырмаска кирәклеге турында сөйләделәр.
Тамашаның уен өлешен үткәрүдә Казан (Идел буе) федераль университеты студентлары ярдәм итте, алар светофор төсләре ролендә чыгыш ясадылар. Балалар бик теләп ситуацияләрне модельләштерделәр һәм самокатларда йөрү кагыйдәләрен үзләштерделәр. Светофорның укыту моделе һәм махсус сигнал белән полиция автомобиле аеруча зур соклану уятты.
