«Яңарыш» тернәкләндерү үзәге бәйрәм уңаеннан бүләк алды
1 июнь көнне Бөгелмә «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр өчен бәйрәм оештырылды. Чараның максаты – күңелле атмосфера тудыру һәм балаларны аларның хокуклары белән таныштыру.
Бу көнне балаларны бик күп сюрпризлар, кызыклы очрашулар һәм кызыклы программалар: спорт ярышлары, иҗади конкурслар, викториналар, уеннар һәм мастер-класслар көтте. Бәйрәм күңелле зарядка белән башланып китте, аннары балалар асфальтта рәсем конкурсында катнаштылар.
Үзәк балалар китапханәсе китапханәчесе Элеонора Хәбибуллина тернәкләнүчеләр өчен «Без барыбыз да тигез хокукларга ия» танып-белү-уен программасы оештырды. Аннары тернәкләндерү үзәге белгечләре тематик программа үткәрделәр, аның барышында бәйрәмнең тарихы турында сөйләделәр.
Соңыннан балаларны Бөгелмә муниципаль районы башлыгы Линар Закиров котлады. Ул тернәкләндерү үзәгенә компьютер алу өчен сертификат тапшырды.