Лениногорск яшүсмерләренә ышаныч телефоны турында сөйләделәр
Кичә Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Инна Кириченко балалар өчен ышаныч телефонын популярлаштыруга юнәлдерелгән чара үткәрде.
Чарада балигъ булмаган социаль хезмәтләр алучылар катнашты. Очрашу барышында алар Балалар ышаныч телефоны белгечләренең балалар һәм яшүсмерләргә ярдәмгә килүләрен, өметсезлек, курку тойгыларын җиңәргә ярдәм итүен белделәр.
Ярдәм эзләп таныш булмаган кешегә мөрәҗәгать итү кайчагында туганнарга һәм якыннарга мөрәҗәгать итүгә караганда җиңелрәк була. Ышаныч телефоны консультантлары аноним рәвештә ашыгыч психологик ярдәм күрсәтәләр. Ышаныч телефоны Россиянең барлык субъектлары территориясендә 2010 елдан бирле эшли. 8-800-2000-122 номеры буенча теләсә кайсы стационар яки кәрәзле телефоннан бушлай шалтыратырга мөмкин.
Балалар ышаныч телефоны турында белүләрен һәм кирәк булган очракта алардан файдалануларын һәм бу мәгълүматны дуслары белән уртаклашуларын хәбәр иттеләр. Соңыннан катнашучыларга тәүлек буе психологик ярдәм алу өчен контакт мәгълүматлары күрсәтелгән белешмәлекләр тапшырылды.