«Хыял» приютында тәрбияләнүчеләр өлкәннәр өчен концерт оештырдылар

2022 елның 18 мае, чәршәмбе

Аксубай муниципаль районында «Хыял» балалар һәм яшүсмерләр өчен социаль приютында тәрбияләнүчеләр «Җылы куллар» акциясе кысаларында Федоровка өлкәннәр һәм инвалидлар өчен интернат-йортында концерт оештырдылар. Концерт Җиңү көненә багышланган иде.

Учреждениедә яшәүчеләр һәм хезмәткәрләр яшь артистларны җылы каршы алдылар. Концерт күңелле үтте. Тәрбияләнүчеләр интернат-йорт карамагындагыларны җырлар, биюләр, шигырьләр белән сөендерделәр, өлкән буынга нык сәламәтлек һәм озын гомер теләделәр.

«Мондый очрашулар төрле буыннарны берләштерә: әби-бабайлар бу балаларда оныклар һәм оныкчыкларын күрә, ә балалар өлкәннәргә аралашу җылысын бүләк итәргә һәрвакыт шат», – дип билгеләп үттеләр Федоровка өлкәннәр һәм инвалидлар өчен интернат-йортында.