«Наз» комплекслы үзәге «Чиста йорт, чиста ишегалды» акциясе игълан итте

2022 елның 25 апреле, дүшәмбе

Балтач районы «Наз» халыкка социаль хезмәт күрсәтү комплекслы үзәге «Язгы игелек атнасы» Бөтенроссия хәйрия акциясенә кушылды. Чара кысаларында өйдә социаль хезмәт күрсәтү бүлекчәсе белгечләре «Чиста йорт, чиста ишегалды» акциясе игълан иттеләр.

Белгечләр һәм социаль хезмәткәрләр өйдә социаль хезмәт күрсәтүдә булган өлкән яшьтәге гражданнарга өйдә тәртип урнаштыруда һәм көнкүреш шартларын яхшыртуда, ишегалды территорияләрен төзекләндерүдә, чүп-чар җыештыруда ярдәм итәләр. Социаль хезмәтләр алучыларга өйне юырга, ишегалды җыештырырга булышалар. Өлкәннәр мондый кайгыртуга чын күңелдән шатланалар һәм социаль хезмәткәрләргә җылы мөнәсәбәт һәм игътибар өчен рәхмәт белдерәләр.