Алабуга өлкәннәр һәм инвалидлар өчен интернат-йорты «Игелеклелек копилкасы» белән хезмәттәшлек итә
Яр Чаллы шәһәренең «Игелеклелек копилкасы» хәйрия фонды ятим балаларга, инвалидларга, аз тәэмин ителгән гаиләләргә, күп балалы гаиләләргә, өлкән яшьтәге кешеләргә, билгеле бер яшәү урыны булмаган, бәйлеләргә һәм башка мохтаҗ кешеләргә ярдәм итә. Оешманы Екатерина Мусина җитәкли.
Шушы көннәрдә фонд хезмәткәрләре Алабуга өлкәннәр һәм инвалидлар өчен интернат-йортында булдылар. Очрашу профессор Открывашкинның фәнни тамашасыннан башланды – өлкән яшьтәге кешеләргә кызыклы химик һәм физик тәҗрибәләр күрсәттеләр. Фонд хезмәткәре Алексей – профессор Открывашкин – бананны егерме секунд эчендә туңдырып күрсәтте, азот ярдәмендә шарның һавасын чыгарды, җир җиләге газировкасын ясады.
Шуннан соң волонтерлар үз фонды турында сөйләделәр, өлкәннәргә бүләкләр тапшырдылар: номерлар буенча ясый торган картиналар, алмаз мозаикасы җыелмасы һ.б. Җавап итеп алар үз адресларына бик күп җылы һәм игелекле теләкләр ишеттеләр, шулай ук үзләре дә өлкән кешеләр ясаган картина бүләк иттеләр.