Азнакай интернат-йортында көн саен өлкәннәр белән дәресләр үткәрәләр

2022 елның 31 марты, пәнҗешәмбе

Азнакай өлкәннәр һәм инвалидлар өчен интернат-йортында социаль эш буенча белгеч көн саен «Дон» күп функцияле комплексын кулланып дәресләр үткәрә. Бу – кулларның вак моторикасын үстерү өчен заманча җайланма.

Мондый дәресләр гап-гади көнкүреш күнекмәләрен яхшыртырга ярдәм итә, шулай ук хәрәкәтләрне координацияләүне үстерә. «Дон» комплексы 11 стендтан тора. Алар белән эшләү логик һәм абстракт фикерләүне камилләштерергә мөмкинлек бирә.

Дәресләрдә интернат-йортта яшәүчеләр үзләренә максат куялар, тырышып эшлиләр һәм барлык көчләр белән теләгән нәтиҗәгә ирешергә тырышалар. Аларның уңышларын күреп, учреждение белгечләре үз карамагындагылар белән бергә шатланалар.