Эш бирүчеләр халыкны эш белән тәэмин итү үзәкләренә эштән азат итү һәм тулы булмаган эш белән тәэмин итү режимын кертү турында хәбәр итәргә тиеш
Халыкны эш белән тәэмин итү турындагы Законның 25 статьясындагы 2 пункты нигезендә, эш бирүчеләр мәшгульлек хезмәте органнарына оешмаларда эш белән тәэмин итү ситуациясе турында мәгълүмат бирергә бурычлы.
Оешманы бетерү яки эшчәнлекләрен туктату, оешма хезмәткәрләре, шәхси эшмәкәрнең санын яки штатын кыскарту һәм хезмәт килешүләрен өзү ихтималы булган очракта эш бирүчеләр бу хакта мәшгульлек хезмәте органнарына язмача хәбәр итәргә тиеш. Белешмәләрдә вазыйфаны, һөнәрен, белгечлеген һәм аларга квалификация таләпләрен, һәр конкрет хезмәткәрнең хезмәт хакы шартларын күрсәтергә кирәк.
Мәгълүмат бирү вакыты:
- оешмалар өчен – ике айдан да соңга калмыйча,
- шәхси эшмәкәрләр өчен – тиешле чаралар башланганчы ике атнадан да соңга калмыйча.
Оешма хезмәткәрләренең санын яки штатын кыскарту турындагы карар хезмәткәрләрне күпләп эштән азат итүгә китерергә мөмкин булса, мәгълүматны тиешле чаралар уздырыла башлаганчы өч айдан да соңга калмыйча бирергә кирәк.
Тулы булмаган эш көне (смена) һәм (яки) тулы булмаган эш атнасы режимы кертелгәндә, шулай ук җитештерүне туктатып торганда эш бирүче бу хакта тиешле карар кабул ителгәннән соң өч эш көне эчендә мәшгульлек хезмәте органнарына хәбәр итәргә тиеш.
Административ хокук бозулар турында кодексның 19.7 статьясы нигезендә мәгълүматларны тапшырмау яки вакытында тапшырмау кисәтүгә яки административ штраф салуга китерә.