«Гармония» үзәге өлкән яшьтәге гражданнарның туганнарын өйрәтә

«Гаилә» милли проектының «Өлкән буын» федераль проекты кысаларында Ютазы районының «Гармония» халыкка социаль хезмәт күрсәтү комплекслы үзәгендә чираттагы Карау мәктәбе дәресе үткәрелде.

Укуларны социаль хезмәтләр алучының кызы һәм карау буенча ярдәмче узды. Авырган әтисе турында кайгыртучы хатын-кыз укудан соң шактый үзгәрешләр булуын билгеләп үтте. Аның сүзләренә караганда, Карау мәктәбендә укыганчы, ул гигиена процедураларын күрсәтүдә уңайсызлык кичергән, өлкән яшьтәге кешенең сәламәтлегенә зыян китерүдән курыккан. Даими физик йөкләнешләр арка авыртуына һәм мускулларның арыганлыгына китергән була.

Үзләштерелгән авырулар белән эшләү алымнары физик киеренкелекне киметергә һәм имгәнү куркынычын булдырмаска мөмкинлек биргән.