«СпецСтройСервис» ҖЧҖ хезмәт хакы буенча бурычларын өлешчә түләде
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Республика халкының тормыш дәрәҗәсен күтәрү, хезмәт, чит ил хезмәткәрләрен җәлеп итү ведомствоара комиссиясе һәм республиканың социаль-хезмәт мөнәсәбәтләрен көйләү комиссиясе карамагындагы хезмәткә түләү, керем һәм халыкның яшәү дәрәҗәсе буенча координация советы катнашында Татарстан предприятияләрендә хезмәт хакы бурычлары кайтарыла. Татарстан Республикасының ике эш бирүчесе хезмәт хакы буенча бурычларын өлешчә түләде.
Шулай итеп, Лениногорск районының «СпецСтройСервис» ҖЧҖ 824 хезмәткәргә 2 232 мең сум түләде.
«Даль-Кама» Яшел Үзән ит эшкәртү комбинаты» ҖЧҖ 64 хезмәткәргә 515,3 мең сум түләде.