«Кайгырту» приютында тәрбияләнүчеләр югары технологияләр шәһәрендә булдылар

2021 елның 23 ноябре, сишәмбе

Балаларны өлкәннәр тормышына яраклаштыру һәм социальләштерү максатыннан 20 ноябрьдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Наилә Дәүләтшина һәм «Россия киләчәге – безнең кулларда» конкурсында катнашучылар Иннополис шәһәрендә булдылар. Бу уку һәм карьера өчен бик яхшы урын.

Балалар шәһәрнең төп объектларында булдылар, шуларның берсе – университет, анда студентлар мәгълүмати технологияләр өлкәсендә берничә юнәлеш буенча югары белем алалар. Балаларга бик кызык булды, алар инновацияләр дөньясы турында күп яңалык белделәр.