Татарстанлыларны Әниләр көне алдыннан акциядә катнашырга чакыралар

2021 елның 23 ноябре, сишәмбе

«Әтиләр берлеге» төбәкара иҗтимагый оешмасы «Благословенно имя твое, Мама» Бөтенроссия акциясе башлану турында игълан итә. Әниләр өчен котлау теләсә кайсы төрдә булырга мөмкин: шигырьләр, проза, җыр, бию, рәсем, үз кулларың белән бүләк.

Акциядә катнашу өчен 2021 елның 28 ноябренә кадәр әниләр өчен пост-котлау урнаштырырга кирәк. Түбәндәге хештегларны күрсәтергә кирәк: #Имя_Твое_Мама, #СоюзОтцов, #ДеньМатери, #116, #силавдетях.

Катнашучыларның яше чикләнмәгән. Социаль челтәрдә үзләренең котлауларын урнаштырып, катнашучылар автомат рәвештә аларны традицион кыйммәтләр рекламасында коммерцияле булмаган файдалануга рөхсәт бирә. Куллану хокукы «Әтиләр берлеге» төбәкара иҗтимагый оешмасында кала.