Түбән Кама яшүсмерләре белән профилактик дәрес үткәрделәр
18 ноябрьдә 12 нче социаль участокта Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Дилара Борисова «Гомуми эш» гомумроссия проекты кысаларында балигъ булмаганнар арасында дәрес үткәрде. Сәламәт яшәү рәвешенең мөһимлеген аңлауга һәм җаваплы гражданлык позициясен формалаштыруга, алкогольле матдәләр куллануның зыяны турында күзаллауга юнәлдерелгән чарада 12 бала катнашты.
Белгеч балаларга спиртлы эчемлекләрнең кеше сәламәтлеген ничек җимерүен үз күзләре белән күрү өчен, аның белән бергә кеше организмы буенча гадәти булмаган экскурсиягә барырга тәкъдим итте. Балалар уен формасында кеше организмының ничек оештырылуын, аның сәламәтлеген саклау өчен ничек эшләргә кирәклеген белделәр. Фильмны караганнан соң, аның турында фикер алышу булды. Балалар аек һәм сәламәт тормыш алып барырга кирәк дигән нәтиҗәгә килделәр.