Эш бирүчеләр мәшгульлек хезмәтенә инвалидларны эшкә урнаштыру өчен эш урыннары бүлеп бирү яки булдыру турында мәгълүмат бирергә тиеш
Россия Федерациясендә халыкны эш белән тәэмин итү турындагы закон нигезендә эш бирүчеләр ай саен мәшгульлек хезмәте органнарына инвалидларны эшкә урнаштыру өчен билгеләнгән квота нигезендә булдырылган я бүлеп бирелгән буш эш урыннары һәм вакантлы урыннар турында мәгълүмат бирергә бурычлы.
Бу чаралар социаль яклауга аеруча мохтаҗ гражданнарны эш белән тәэмин итү өлкәсендә социаль яклау мәсьәләләрен нәтиҗәлерәк хәл итәргә мөмкинлек бирә. Шуның белән бергә, практикада аерым оешмалар тарафыннан закон һәм норматив база таләпләрен үтәмәү очраклары теркәлә.
Шулай итеп, «Казан медик-инструменталь заводы» АҖнең вазыйфаи заты Казан шәһәре Идел буе районы халыкны эш белән тәэмин итү үзәгенә буш эш урыннары турында мәгълүмат тапшырмаган.
2021 елның 31 маенда Татарстан Республикасы Казан шәһәре Идел буе суд районы буенча 1 нче суд участогы җәмәгать судьясы предприятиенең вазыйфаи затын РФ Административ хокук бозулар турында кодексының 19.7 статьясында каралган административ хокук бозуда гаепле дип танырга һәм кисәтү рәвешендә җәза билгеләргә карар кылды.
Шуның белән бәйле рәвештә Министрлык халыкны эш белән тәэмин итү үзәкләренә инвалидларны эшкә урнаштыру өчен эш урыннары бүлеп бирү яки булдыру турында мәгълүматны үз вакытында бирү кирәклеге турында искә төшерә.