Биектау районы социаль хезмәткәрләре «Агач утырт» акциясе оештырдылар

2021 елның 24 мае, дүшәмбе

Биектау районы «Өмет» халыкка социаль хезмәт күрсәтү комплекслы үзәге социаль хезмәткәрләре «Агач утырт» акциясе уздырдылар. Әлеге чара 15 майда узган Халыкара гаилә көненә багышланган иде.

Акциянең максаты – социаль хезмәт алучыларның йорт яны участокларында агач үсентеләре утырту, аларны яшелләндерү, экологияне яхшырту буенча уртак эшкә җәлеп итү. Чара катнашучыларга бик күп уңай эмоцияләр китерде, ә саф һавада эшләү сәламәтлекне ныгытуга ярдәм итте.