Хезмәт терапиясе өлкәннәргә авырлыкларны җиңәргә булыша

2021 елның 21 мае, җомга

20 май көнне Спас өлкәннәр һәм инвалидлар өчен интернат-йортында хезмәт терапиясе буенча дәрес узды. Әлеге технологиянең максаты – бозылган функцияләрне яңадан торгызу һәм үстерү, бу өлкән кешегә күп кенә авырлыкларны җиңеп чыгарга ярдәм итә.

Язгы-җәйге чорда социаль хезмәт алучылар интернат-йорт территориясендә эшлиләр: клумбаларны карарга булышалар, агачлар утырталар, территорияне тәртипкә китерәләр. Гамәлгә ашырыла торган технологиянең актив катнашучылары – Николай Волков, Ирина Меховникова һәм Георгий Меркулов.

Учреждение хезмәткәрләре сүзләренә караганда, файдалы хезмәт авыруларга нормаль тормышка әйләнеп кайтырга, борчылу һәм киеренкелек хисләрен бетерергә ярдәм итә.