«Өмет чаткысы»нда тәрбияләнүчеләр «Казан арты» музеенда булдылар
Татарстанда Туган телләр һәм халыклар бердәмлеге елын һәм Халыкара музей көнен бәйрәм итү кысаларында Арча районы «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәге карамагындагы балалар «Казан арты» тарих-этнография музееның әдәбият һәм сәнгать бүлегендә булдылар.
Музей экспозициясе язучылар һәм сәнгать һәм фән эшлеклеләре турында материаллардан гыйбарәт. Тәрбияләнүчеләрне фотодокументлар һәм Татарстан тарихчыларының һәм халык язучыларының шәхси әйберләре, шулай ук танылган актерларның шәхси әйберләре кызыксындырды. Экскурсовод Шәфигулла Гарипов Арча районының XV гасырдан алып тарихы белән җентекләп таныштырды.
Оештыручылар сүзләренә караганда, мондый чаралар патриотлык, туган якка карата мәхәббәт һәм хөрмәт тәрбияли, фән, әдәбият һәм мәдәният өлкәсендә күзаллауларны киңәйтә.