«Кайгырту» үзәгендә «Йортларга йөрү» технологиясе гамәлгә ашырыла
Питрәч районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре «Йортларга йөрү» технологиясе кысаларында мөмкинлекләре чикле балалар өчен чираттагы дәресләр уздырдылар.
Гаилә белән социаль-психологик эш технологиясе инвалид баланы һәм аның ата-анасын квалификацияле социаль-педагогик һәм социаль-психологик ярдәм белән тәэмин итә ала.
Чара барышында социаль педагоглар М. Монтессори методикасын кулланып, әйләнә-тирә дөньяны танып белүгә һәм баланың эчке ресурсларын үстерүгә юнәлтелгән арт-терапия дәресләре үткәрделәр. Ата-аналар даими дәресләр хәрәкәт итү функцияләрен, баланың эмоциональ торышын яхшыртуга ярдәм итә, дип билгеләп үтә, ә уртак чаралар балалар-ата-аналар мөнәсәбәтләрен ныгыта.