Зәйнең мәшгульлек үзәге вакансияләр онлайн-ярминкәсе оештырды
Шушы көннәрдә Зәй шәһәренең халыкны эш белән тәэмин итү үзәге базасында онлайн режимда вакантлы эш урыннары ярминкәсе узды.
Чарада ике предприятиенең кадрлар хезмәте вәкилләре катнашты: «ТЭМПО» Кама металл конструкцияләр заводы һәм «Ремдизель» АҖ.
Эш эзләүчеләргә түбәндәге вакансияләр буенча 91 эш урыны тәкъдим иттеләр: электр һәм газ белән эретеп ябыштыручы, инженер-технолог, металл кисүче, тәэмин итү буенча инженер, кран машинисты, механик җыю эшләре слесаре, программа белән идарә итү станоклары операторы, слесарь-җыючы, автомат линияләрне һәм агрегат станокларын көйләүче, автомобильләрне ремонтлау буенча слесарь, метрология буенча инженер, буяучы, ярдәмче эшче, икътисадчы, йөкче һ. б.
Вакансияләр ярминкәсендә 12 граждан булды, 3 кеше эшкә юллама алды.