«Изгелек» үзәгендә тернәкләнүчеләрнең иҗади эшләре күргәзмәсе оештырылды

2020 елның 10 декабре, пәнҗешәмбе

Яр Чаллының «Изгелек» инвалидларны тернәкләндерү үзәге белгече Галия Петрова «Әкияти сандыктан» дигән декоратив-гамәли иҗат күргәзмәсе оештырды.

Күргәзмәдә социаль хезмәт алучылар Гөлфия Сабирҗанова, Вера Никосян, Ольга Аблаеваның иҗади эшләре тәкъдим ителде. Эшләнмәләр төрле техникаларда башкарылган: чигү, бәйләү һ.б. Иҗади эшләр авторлары үз серләре белән уртаклаштылар, теге яки бу эшләнмәләрне башкару технологияләре турында җентекләп сөйләделәр.

Чарада 15 кеше катнашты.