«Юлдаш» интернат-йортыннан яшь спортчы-инвалидлар хәйриячедән бүләкләр алдылар
Ел саен инвалидлар декадасы кысаларында Чистай шәһәре медиклар йорты микрорайонының 1 нче иҗтимагый территориаль советы рәисе Валерий Ваганов Чистайның «Юлдаш» өлкәннәр һәм инвалидлар өчен интернат-йортында яшәүче иң актив һәм перспективалы яшь спортчыларны тәбрикли.
Быел бүләкләү тантанасы 4 декабрьдә булып узды. Валерий Анатольевич шәһәр, муниципаль һәм республика ярышларында гына түгел, ә бөтенроссия чемпионатларында да катнашкан һәм яхшы нәтиҗәләр күрсәткән яшьләргә азык-төлек җыелмалары тапшырды.
Бүгенге көндә «Юлдаш» спортчыларының 34 алтын, 33 көмеш һәм 27 бронза медале бар.
Интернат-йорт администрациясе Валерий Вагановка үзара нәтиҗәле хезмәттәшлек, һәр уртак проектка битараф булмаган мөнәсәбәт, өлкән яшьтәге гражданнар һәм яшь инвалидларның тормыш сыйфатын үстерүгә юнәлдерелгән ярдәм өчен чын күңелдән рәхмәт белдерде.