Яр Чаллының «Ышаныч» үзәгендә «Әдәби утырышлар» технологиясен тормышка ашыралар
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлекчәсендә хезмәт алучылар арасында «Әдәби утырышлар» социаль технологиясе бик популяр.
Өлкән кешегә ашарга әзерләгән, өйгә табиб чакырткан арада, социаль хезмәткәрләрнең үз карамагындагылар белән аралашу өчен өстәмә вакытлары була. Бу вакытта әдәби утырышлар оештырырга һәм өлкән кешене кызыксындырган китап уку белән шөгыльләнергә мөмкин. Кайчагында социаль хезмәткәрләр китапханәдән китаплар һәм журналлар алып килә, ә кайчагында өлкән кешенең шәхси китапханәсеннән файдалана.
Уку һәм укыган китаплар турында фикер алышу борчу, ялгызлык хисен киметүгә, өлкән кешенең эмоциональ һәм психик халәтен яхшыртуга ярдәм итә.
Шулай ук «Әдәби утырышлар» технологиясе кысаларында «Виртуаль экскурсияләр» һәм «Мәгълүмати навигатор» методикалары кулланыла. Бу юнәлештә эш аз хәрәкәтләнүче өлкән яшьтәге гражданнарның һәм инвалидларның социаль активлыгын арттыруга ярдәм итә, социаль адаптациягә ярдәм итә һәм аларны социаль-мәдәни кыйммәтләргә җәлеп итә.