Түбән Кама волонтерлары инвалид балалар өчен үз куллары белән бүләкләр ясадылар
Шушы көннәрдә Түбән Кама районының 12нче социаль участогында «Веста» гаиләгә һәм балаларга социаль ярдәм үзәге белгече Әлфирә Юнысова өч волонтер өчен «Игелек буыны» дигән мастер-класс үткәрде. Чараның максаты – балаларга үзләрен күрсәтергә мөмкинлек бирү һәм аларны мөмкинлекләре чикле балаларга ярдәм итүгә җәлеп итү.
Мастер-класста катнашучылар балалар өчен мандариннан һәм кәнфиттән бүләк ясадылар. Эш барышында белгеч волонтерларга Халыкара инвалидлар көне тарихы, мөмкинлекләре чикләнгән кешеләр каршылаша торган проблемалар турында сөйләде. Волонтерлар да үз фикерләре, хис-тойгылары белән уртаклаштылар.
Балалар вакытны күңелле һәм нәтиҗәле үткәрделәр. Алар тарафыннан эшләнгән бүләкләр инвалид балаларга һәм мөмкинлекләре чикләнгән балаларга тапшырылды.