Әлмәт шәһәре халыкны эш белән тәэмин итү үзәге – милли проект кысаларында халыкны эш белән тәэмин итү хезмәтләрен модернизацияләү проектында катнашучы
Быел Әлмәт шәһәре халыкны эш белән тәэмин итү үзәге «Хезмәт җитештерүчәнлеге һәм халыкны эш белән тәэмин итүгә ярдәм итү» милли проекты кысаларында халыкны эш белән тәэмин итү хезмәтләрен модернизацияләү проектында катнашты.
Модернизацияләү Россия Федерациясе Хезмәт һәм социаль яклау министрлыгы тарафыннан эшләнгән бердәм таләпләр нигезендә башкарыла. Таләпләр халыкны эш белән тәэмин итү үзәкләренең «Россия эше» кадрлар үзәге» бердәм фирма стилен кулланып яңа уңай образын формалаштырырга мөмкинлек бирәчәк.
Хәзерге вакытта Әлмәт шәһәре халыкны эш белән тәэмин итү үзәгенең рәсми сайты, Инстаграмдагы аккаунты да үзгәрде, фирма элмәсе һәм мебель сатып алынды, мәгълүмат өстәлендә дәүләт хезмәтләре күрсәтүнең сыйфатын тикшерү һәм бәяләү системасы урнаштырылды.
Халыкны эш белән тәэмин итү үзәге белгечләре «Халыкны эш белән тәэмин итү өлкәсендә дәүләт хезмәтләре күрсәтү буенча белгеч» программасы буенча квалификация күтәрү курслары уздылар. Шулай ук халыкны эш белән тәэмин итү үзәгенең проект командасы «5S системасы буенча эш киңлеген оптимальләштерү», кыйммәтләрне булдыру агымын карталаштыру, стандартлаштырылган эш буенча укытылды.
Әлмәт шәһәренең «Россия эше» кадрлар үзәгенә мөрәҗәгать итеп, гражданнар һәм эш бирүчеләр конкрет тормыш һәм бизнес-хәлләрне хәл итү өчен халыкны эш белән тәэмин итүгә ярдәм итү өлкәсендә дәүләт хезмәтләреннән торган хезмәтләр комплексын ала алачаклар. Моның өчен партнерлар: социаль яклау территориаль идарәсе, Әлмәт шәһәре һәм Әлмәт районы сәүдә-сәнәгать палатасы, Татарстан Республикасы Дәүләт хезмәт инспекциясенең шәһәр бүлеге, район авыл хуҗалыгы һәм азык-төлек идарәсе белән килешүләр төзелде.