Минзәлә интернат-йорты хезмәткәрләре белән профилактик әңгәмә үткәрделәр

2020 елның 3 декабре, пәнҗешәмбе

Бүген «Бөтенроссия ирекле янгын җәмгыяте» ТРБ Яр Чаллы шәһәре бүлеге вәкиле Аксам Гыйльфанов Минзәлә картлар һәм инвалидлар өчен интернат-йорты хезмәткәрләре белән беренчел янгын сүндерү чараларын куллану кагыйдәләре турында профилактик әңгәмә үткәрде.

Чараның максаты – янгынның зарарлы факторлары, янгын килеп чыгу сәбәпләре турында белемнәрне ныгыту, шулай ук янгын куркынычы шартларында үз-үзеңне дөрес тоту күнекмәләрен формалаштыру.

Интернат-йорт хезмәткәрләре беренчел янгын сүндерү чараларының ике төренең билгеләнеше турында белделәр, практикада ут сүндергечне ничек кулланырга кирәклеген күрделәр.