Социаль хезмәт күрсәтү үзәге психологы һәм медуниверситет волонтерлары балалар өчен интерактив дәрес оештырдылар
Казан шәһәренең халыкка социаль хезмәт күрсәтү комплекслы үзәгендә «Без сәламәт яшәү рәвеше өчен!» интерактив төркемле дөрес узды. Чараны Казан дәүләт медицина университеты волонтерлары белән берлектә Идел буе районы гаиләгә һәм балаларга социаль ярдәм бүлеге психологы үткәрде.
Балигъ булмаган казанлылар белән уен программасы үткәрделәр, ул балаларга сәламәт яшәү рәвешен алып бару күнекмәләренә, шәхси гигиена турында белемнәрне системалаштырырга, көн режимын төзергә ярдәм итте. Балалар тематик кроссворд чиштеләр, сәламәтлек турында мәкальләр һәм әйтемнәр искә төшерделәр, ритмик музыкага физик күнегүләр ясадылар.
Чараның максаты үз сәламәтлегеңә карата сакчыл мөнәсәбәт формалаштыру иде. Чара «2014-2020 елларга Татарстан Республикасы халкы арасында наркоманияне профилактикалау» ярдәмче программасын гамәлгә ашыру кысаларында үткәрелде.