«Өмет утравы» белгечләре балалар өчен хокукый дәрес оештырдылар
Бүген Югары Ослан районында «Өмет утравы» халыкка социаль хезмәт күрсәтү комплекслы үзәге белгечләре Печище авыл мәдәният йорты хезмәткәрләре белән берлектә Бөтендөнья балалар көненә багышланган чара уздырдылар.
Балаларның хокукый культурасын һәм хокукый аңын формалаштыру максатыннан социаль эш буенча белгеч Ариадна Войтко балигъ булмаганнарга интеллектуаль уен тәкъдим итте. Авыл мәдәният йорты хезмәткәре һәм китапханәче балаларга бәйрәмнең тарихы турында сөйләделәр, балалар Бала хокуклары турында конвенция белән таныштылар. Алган белемнәрен ныгытырга халык әкиятләре буенча презентация һәм уен-викторина ярдәм итте.
Мондый дәресләр, Ариадна Войтко сүзләренчә, балаларда җәмгыятьтә уңышлы социальләшү өчен хокукый аң һәм компетентлык нигезләрен формалаштыра.