Алабуга интернат-йорты карамагындагылар япон стилендә коллаж ясарга өйрәнделәр

2020 елның 22 октябре, пәнҗешәмбе

Алабуга өлкәннәр һәм инвалидлар өчен интернат-йортында социаль хезмәтләр алучылар «Старость в радость» Хәйрия фонды оештырган чараларда актив катнашалар.

Бу юлы интернат-йорт карамагындагылар онлайн режимда иң гади материаллар: төсле кәгазь, газета, журналлар, фольга, клей, кайчы, ручкалар һәм фломастерлар – кулланып «Япон пейзажы» коллажын ясадылар. Нәтиҗәдә барысының да эшләре бик матур килеп чыкты.

Чара онлайн-концерт карау белән тәмамланды, анда волонтерлар һәм Клинцово психоневрологик интернатында хезмәт алучылар чыгыш ясады. Мондый очрашулар күп кенә уңай эмоцияләр, бердәмлек хисе бирә һәм актив тормыш позициясенә этәрә.