Биектау районының өлкәннәре скандинавия йөреше белән шөгыльләнәләр

Биектау «Өмет» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге белгечләре «Скандинав йөреше» технологиясе буенча дәрес уздырдылар.

Чараның максаты – өлкән яшьтәге кешеләр һәм мөмкинлекләре чикләнгән гражданнар арасында сәламәт яшәү рәвешен һәм физик активлыкны пропагандалау. Скандинавия йөреше тезләрдәге һәм умыртка баганасындагы артык йөкләнештән арынырга ярдәм итә, йөрәк-кан тамырлары һәм сулыш системаларын ныгытырга булыша, дип санала.

Тренировкадан соң өлкәннәр гомуми хәлнең яхшыруын һәм кәеф күтәренкелеген билгеләп үттеләр.