«Шатлык» социаль приютындагы балалар өмәгә чыкты

2020 елның 23 сентябре, чәршәмбе

Питрәч районының «Шатлык» балалар һәм яшүсмерләр өчен социаль приютында «Минем ишегалды – минем эшем» дигән экологик акция узды. Аның максаты – учреждение территориясен җыештыру һәм тәртип урнаштыру.

Тәрбияләнүчеләр тырма, себерке һәм капчыклар алып, приют территориясендә тәртип урнаштырдылар: коры үлән һәм яфракларны җыештырдылар, юлларны себерделәр. Эш вакытында балалар шаярыштылар, көлделәр, тәрбияче тәкъдим иткән экологик тәртип буенча киңәшләр турында фикер алыштылар. Балалар үз хезмәт нәтиҗәләреннән бик канәгать калдылар.