«Тургай» приюты балалары белән һөнәри юнәлеш бирүче дәрес үткәрделәр
16 нчы сентябрь көнне Минзәлә районының «Тургай» балалар һәм яшүсмерләр өчен социаль приютында «Минем һөнәрем – киләчәккә юл» дигән һөнәри юнәлеш бирүче чара узды. Әлеге чараны оештыруда һәм үткәрүдә шулай ук мәшгульлек үзәге белгечләре дә катнашты.
Һөнәр сайлау кеше тормышында төп бурычларның берсе булып тора. Хезмәт базарындагы хәл һәм актуаль вакансияләр турында мәгълүмат җитмәү сәбәпле, яшьләр еш кына аларның мәнфәгатьләренә, сәләтләренә, ә иң мөһиме – хезмәт базары ихтыяҗларына туры килми торган һөнәр сайлый. Һөнәрне дөрес сайлау алга таба тормышта зур роль уйный, шуңа күрә беренчел һөнәри юнәлеш бирү әһәмиятен бәяләп бетермәскә ярамый.
Дәрестә балалар һөнәрләр дөньясы, Минзәлә шәһәре һәм Татарстан Республикасы хезмәт базарының торышы, һөнәри белем бирү юнәлешләре белән таныштылар. Шулай ук мәшгульлек үзәге хезмәткәрләре психологик тест үткәрде һәм тәрбияләнүчеләр белән бергә һөнәрләрнең төп төрләрен анализладылар, иң кирәкле белгечлекләр турында фикер алыштылар.
Приютта тәрбияләнүчеләр әлеге чарага карата кызыксыну белдерде һәм фикер алышуда актив катнашты.