Коммуникатив аралашу күнекмәләрен үзләштерү ысулы буларак уен
«Мин сөйләшәм!» проекты кысаларында Дәрвишләр бистәсе акылга зәгыйфь балалар өчен интернат-йорты педагоглары аралашу күнекмәләрен үзләштерү өчен уеннар кулланалар. Уен психик һәм эмоциональ-ихтыярый өлкәләрне үстерүне, өлкәннәр һәм яшьтәшләр белән аралашу күнекмәләрен формалаштыруны тәэмин итә.
Уен – телне өйрәнү һәм үстерү өчен менә дигән мөмкинлек. Альтернатив өстәмә коммуникация белән дәресләр үз эченә бала уйный торган уенчыкларны ала. Балалар шунда ук тулы җөмләләр белән сөйләшә башламый, әмма баланың коммуникатив аралашу күнекмәләрен үзләштергәндә үз-үзен тотышы үзгәрә. Мөмкинлекләре чикле балалар үз хисләрен елау, кычкыру белән чагылдырудан туктый. Альтернатив өстәмә коммуникация системасы социаль хезмәт кулланучыларга үз ихтыяҗлары турында «сөйләргә» ярдәм итә.
Коммуникация кешенең төп социаль ихтыяҗы булып тора, аралашу балага кешеләр җәмгыятендә үзләрен уңайлы хис итәргә мөмкинлек бирә. Альтернатив һәм өстәмә коммуникацияләр чараларын куллану балаларның коммуникатив потенциалын арттыра.