Яшел Үзән шәһәре Халыкны эш белән тәэмин итү үзәге белгечләре вакантлы эш урыннары ярминкәсенә йомгак ясадылар
Яшел Үзән шәһәре Халыкны эш белән тәэмин итү үзәге белгечләре 2020 елның 20нче һәм 21нче августында үткәрелгән вакансияләр ярминкәләренә йомгак ясадылар.
Вакантлы эш урыннары ярминкәсендә шәһәр һәм районның 9 предприятиесе һәм оешмасы вәкилләре катнашты. Алар арасында: «Восток» ҖЧҖ, «ПОЗИС» АҖ, «ЗВКС» АҖ, «Яшел Үзән заводы» АҖ. «ПФМК» ҖЧҖ, «Металл конструкцияләр заводы» ҖЧҖ, «Яшел Үзән тәҗрибә урман хуҗалыгы» ДБУ.
Эш бирүчеләр тарафыннан 132 вакансия тәкъдим ителде (хисапчы, инженер, инспектор, каравылчы, кладовщик, йөк төяүче, химия производствосы эшчесе, урман кисүче, автомобиль йөртүче, слесарь-ремонтчы һ.б.).
Моннан тыш, килүчеләр игътибарына Яшел Үзән шәһәренең Халыкны эш белән тәэмин итү үзәгенең вакансияләр банкы тәкъдим ителде, анда 2000дән артык эш урыны исәпләнә. Эш бирүчеләргә хезмәт базарындагы вәзгыять һәм Яшел Үзән шәһәре мәшгульлек үзәге тарафыннан гамәлгә ашырыла торган программалар исемлеге турында мәгълүмат бирелде.
Ярминкәгә килүчеләр аеруча «Восток» ВБ ҖЧҖ (WILDBERRIES), Россиянең иң эре онлайн-ритейлеры (аларга кладовщиклар, йөк ташучылар, электрик, котельный технигы, механик кирәк) вакансияләре белән кызыксындылар.
Вакансияләр ярминкәләрендә 200 дән артык эшсез граждан һәм эш эзләүче гражданнар булды.
Катнашучылар мәшгульлек хезмәте хезмәткәрләреннән эшкә урнашу, эшмәкәрлек эшчәнлеген оештыру, шулай ук һөнәри белем һәм өстәмә һөнәри белем бирү мәсьәләләре буенча консультация хезмәтләре алдылар.