Минзәлә районында яшүсмерләрнең ата-аналарын актив тыңлау техникасы белән таныштырдылар
Җаваплы ата-ана булуга юнәлгән «Эффектив ата-ана мәктәбе» кысаларында Минзәлә халыкка социаль хезмәт күрсәтү комплекслы үзәгендә «Минем гаиләм эчендә» дигән түгәрәк эшләп килә.
Гаиләгә һәм балаларга социаль ярдәм күрсәтү бүлегенең гаилә белән эшләү буенча белгече Кудряшова Наталия ата-аналар белән «Үз балаңны ишетергә һәм аңларга» дигән темага дәрес үткәрде.
Әлеге дәреснең максаты – ата-аналарны актив тыңлаулар техникасы белән таныштыру һәм үз балалары белән аралашуда техника белән файдалану күнекмәләрен үстерү.
Дәрес «Без синең белән бер кан» һәм «Көзге һәм маймыл» күнегүләре белән башланып китте. Сәламләү күнегүләреннән соң белгечләр ата-аналар белән дискуссия үткәрделәр һәм чарада катнашучыларны актив тыңлау техникасы белән таныштырдылар. Ата-аналар конкрет мисалларда бу техниканың ничек эшләвен өйрәнделәр һәм баланың төрле хәлләрдә нинди хисләр кичерүен аңларга тырыштылар. Социаль хезмәтләрдән кулланучылар актив тыңлау техникасы балалар белән ышанычлы мөнәсәбәтләр урнаштырырга, аларны яхшырак аңларга, яшүсмерләр белән аралашуда киеренкелекне йомшартырга ярдәм итә, дип килеште.
Очрашу ахырында комплекслы үзәк белгечләре ата-аналарга «Альтернатив тыңлау техникасын куллану нәтиҗәләре» дигән киңәшмәлекләр тапшырдылар.