«Веста» үзәгенең хезмәт аша тернәкләндерү кабинетында алъяпкыч тегергә өйрәтәләр
Түбән Каманың «Веста» гаиләгә һәм балаларга социаль ярдәм үзәге белгече Ландыш Зарипова хезмәт аша тернәкләндерү кабинетында «Тегү эше» юнәлеше буенча дәрес үткәрде. Дәреснең темасы «Модельләштерү ысуллары: макет, формулаларны кулланып» иде. Әлеге чарада социаль хезмәт күрсәтүдә торучы хатын-кызлар катнашты. Чараның максаты – киемнәрне модельләштерүнең төрле ысулларына өйрәтү.
Очрашу башында белгеч катнашучыларга алъяпкычның барлыкка килү тарихы, аның әһәмияте турында сөйләде һәм аларның төрләренең иллюстрацияләрен күрсәтте. Аннан соң социаль хезмәт алучылар модельләштерү ысуллары турында белделәр: макет (манекенда яки фигурада энә белән макет ясау методы), әзер формулалар кулланып, «RedCafe» программасында макет ясау. Макет төзү – бу фартук тегүнең иң авыр этабы. Бу мәсьәләне хәл иткәннән соң гына детальләрне һәм эшләнмәләрне сметага салырга һәм тегәргә була. Катнашучылар кройканы әзерләү өчен түбәндәге үчәүләр ясадылар :бот үлчәве, озынлык, күкрәкнең киңлеге, муен озынлыгы, бил үлчәве. Үлчәүләрне төшереп, дәрестә катнашучылар алган параметрларны тукымага күчерделәр.
Дәрес барышында хатын-кызлар үзләре дөрес үлчәүләрне төшерергә һәм көнкүрештә куллану өчен алъяпкычны тектерү өчен кройкалар булдырырга өйрәнделәр.