«Веста» үзәгендә РФ Дәүләт флагы көнен билгеләп үттеләр
Балигъ булмаганнарга патриотик тәрбия бирү эше кысаларында Түбән Каманың «Веста» гаиләгә һәм балаларга социаль ярдәм үзәге белгече Ольга Плаксина 11нче социаль участокта РФ Дәүләт флагы көненә багышланган дәрес үткәрде. Дәреснең максаты – Россия Федерациясенең дәүләт символикасы турында белемнәрне киңәйтү, патриотизм, Ватанга мәхәббәт тәрбияләү.
Дәрес мәгълүмати блоктан башланды. Белгеч балаларга Россия Федерациясенең төп символларының берсе – Дәүләт флагы барлыкка килү тарихы турында сөйләде. Аннары дәрестә катнашучылар Россия флагының триколоры, аның төс әһәмияте турында сөйләштеләр. Шулай итеп, балигъ булмаган балалар социаль хезмәт алучылар ак төс – тынычлык, чисталык; зәңгәр төс – күк, дөреслек, матурлык; кызыл төс – ут, батырлык, мәхәббәт символы, дип җавап бирделәр. Тәкъдим ителгән карточкалардан Россия флагы җыеп, балалар тематик викторинада катнаштылар.
Дәрес ахырында яшүсмерләр флаг – Ватан символы, аның горурлыгы һәм намусы, шуңа күрә аны сакларга һәм хөрмәт итәргә кирәклеген таныдылар.