«Умырзая» үзәгендә балаларны иҗади тернәкләндерү эше
Минзәлә районында урнашкан «Умырзая» мөмкинлекләре чикле балалар һәм яшүсмерләр өчен тернәкләндерү үзәге төрле яшьтәге инвалид балалар өчен актив иҗади тернәкләндерү буенча эш алып бара.
Столяр остаханәсендә һәм социаль-көнкүреш адаптация кабинетында эшләү балаларга үзләренең иҗади ниятләрен тормышка ашыру мөмкинлеге бирә. Мондый дәресләр һөнәри күнекмәләрне һәм сәнгать-иҗади потенциалны үстерүгә, психологик яктан бушанырга ярдәм итә.
«Иҗатка сәләт теләсә кайсы балада диярлек бар, әмма үз-үзен иҗади яктан күрсәтү мөмкинлеге әйләнә-тирә мохит, тәрбия һәм иҗтимагый тормыш шартлары йогынтысында формалаша», – диләр тернәкләндерү үзәге белгечләре. Инде көллиятнең столяр бүлеге студентлары булган балалар тернәкләндерү үзәгендә үк үзләренең һөнәри күнекмәләрен үстерә.