Казанның Мәскәү районында «Мастер Профи» клубы дәресләре тәмамланды
Казан шәһәре халыкка социаль хезмәт күрсәтү үзәгенең Мәскәү районындагы гаилә һәм балаларга социаль ярдәм күрсәтү бүлегендә профориентация буенча «Мастер Профи» клубының дәресләр циклы тәмамланды. Әлеге чарада социаль хезмәт алучы гаиләләрдәге балигъ булмаган балалар катнашты.
Актив тыңлау, диалоглар һәм аралашу, «Профи+» уены, төрле тестлар, мастер-классларда катнашу, һөнәрләр турында видео карау, дусларча дәресләр атмосферасы клуб эшенең нигезен тәшкил итте. Балалар белән шулай ук бүлек психологлары һәм педагоглары да эшләде, алар яшүсмерләрне «Уңышка омтылыш» психотехникасына өйрәттеләр, эш эзләүнең нечкәлекләре, үз-үзләрен презентацияләү һәм резюме төзү үзенчәлекләре һәм принциплары турында сөйләделәр.
Клубтагы дәресләр Казан яшүсмерләре өчен һөнәри үзбилгеләнешкә тагын бер адым булды.