«Өмет утравы»нда мөмкинлекләре чикле балалар өчен клуб дәресләре дәвам итә

2020 елның 30 июле, пәнҗешәмбе

Югары Ослан районында «Өмет утравы» халыкка социаль хезмәт күрсәтү комплекслы үзәге базасында мөмкинлекләре чикле балалар өчен «Без төрле – без тигез» дигән клуб дәресләре дәвам итә. Шушы көннәрдә гаиләгә һәм балаларга социаль ярдәм бүлеге белгече арт-терапия ысулын кулланып дәрес үткәрде.

Төсле ком белән рәсем ясау балаларның хәтерен яхшырта, тактиль-кинестетик сизгерлекне, вак моторика һәм хәрәкәтләрне координацияләүне үстерүгә ярдәм итә. Моннан тыш, мондый чаралар балаларга бик күп уңай тәэсирләр бүләк итә һәм аларның эмоциональ хәлен яхшырта.