«Шатлык» үзәге белгечләре социаль участокларда эшләрен дәвам итәләр
Зәй районында «Шатлык» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре социаль патронатта һәм ведомство учетында торучы гаиләләрне тикшерүне дәвам итәләр.
21 июль көнне чираттагы чыгу барышында социаль педагоглар һәм психологлар гаилә эчендәге мөнәсәбәтләрне төзәтүгә һәм гаиләнең бердәмлеген ныгытуга юнәлдерелгән «Минем йортым» дигән чара оештырдылар. Дәрестә гаилә әгъзаларының психологик портретлары анализланды, гаилә эчендәге мөнәсәбәтләргә төзәтмәләр кертелде, гаиләнең кыйммәтләре билгеләнде.
Чараның ахыргы өлешендә зәйлеләргә һәрберсендә барган үзгәрешләрне бәяләргә, шәхси үсеш юлларын планлаштырырга, планнар төзергә ярдәм иткән техникалар тәкъдим ителде. Бу техникалар кешенең көчле һәм көчсез якларын аңларга, тормыштагы катлаулы хәлләрдән чыгу юллары турында уйланырга ярдәм итә.