«Балкыш» приютында тәрбияләнүчеләр Бөек Ватан сугышында этләрнең роле турында белделәр

2020 елның 13 июле, дүшәмбе

Түбән Каманың «Балкыш» балалар һәм яшүсмерләр өчен социаль приютында патриотик тәрбия бирү һәм Бөек Ватан сугышында Җиңүнең 75 еллыгын бәйрәм итү кысаларында сугышның дүрт аяклы геройларына – этләргә багышланган клуб сәгате узды.

Тәрбияләнүчеләр документаль һәм нәфис фильмнардан видеороликлар карадылар һәм солдатларның хәрби уңышларындагы казанышларының күп өлеше шартлаткыч эзләгән, сугыш кирәк-яракларын алып килгән, яралыларны коткарган хезмәт этләре булуын белделәр.

«Җиңү Парадында этләрнең батальоны узды. Кырыс сугыш елларында күрсәткән батырлыклары өчен, этләргә батырлык символы булган һәйкәл куелган», - дип горурланып тәмамлады чараны тәрбияче Галия Зайцева.