Бүген Минзәлә өлкәннәр һәм инвалидлар өчен интернат-йортында Бөек Ватан сугышында һәлак булганнарны искә алу митингы узды. Чарада катнашучылар учреждение территориясендә урнашкан мемориалга чәчәкләр куйдылар.
Социаль хезмәт алучылар сугышта катнашкан, һәлак булган әти-әниләре һәм туганнары турында сөйләделәр, сугыш темасына шигырьләр укыдылар. Митинг бер минут тынлык белән тәмамланды.