Алабугада ветеранга «Сугышның тере хроникалары» проекты мультимедиа бүләген тапшырды

2020 елның 22 июне, дүшәмбе

«Сугышның тере хроникалары» проекты төркеме Алабуга өлкәннәр һәм инвалидлар өчен интернат-йортында яшәүче Бөек Ватан сугышы ветераны Хөсәен Гайсин улы Әбүнәевка  рәхмәт хаты һәм диск бүләк итте.

«Сугышның тере хроникалары» проекты –   Бөек Ватан сугышында катнашкан алабугалыларның һәм 1941-1945 еллардагы фаҗигале вакыйгалары шаһитләренең  истәлекләре циклы. Проектның максаты – Ватанны саклаучылар, күренекле кешеләр һәм үткәндәге мөһим вакыйгалар истәлеген мәңгеләштерү, Россиянең хәрби данын саклау.