«Ялкын» приютында балалар буш вакытны ничек уздыра?

2020 елның 22 июне, дүшәмбе

Бөгелмә районының балалар һәм яшүсмерләр өчен «Ялкын» приютында «Без урам артистлары» исемле театр тамашасы үтте. Балалар тәрбиячеләр белән бергә үзләренең иң яраткан мультгероен сайладылар һәм бер-берсенә танылган әдәби әсәрләрдән өзекләрне күрсәтеп карадылар.

Учреждение тәрбиячеләре фикеренчә, театр эшчәнлеге балаларны төрле тормыш хәлләрен кичерергә, үз карашларын якларга өйрәтә. Нәкъ менә театр түгәрәге ярдәмендә балаларда үз-үзеңне тоту тәҗрибәсе туплана, чөнки барлык әдәби әсәрләр дә әхлак тәрбияләүгә юнәлтелгән.