«Изгелек» үзәгендә дәваланучылар күңелле стартларда катнашты

2020 елның 19 июне, җомга

Бүген Яр Чаллы шәһәренең «Изгелек» инвалидларны тернәкләндерү үзәгенең дәвалау физик культура буенча инструкторы Зөһрә Закирова социаль хезмәт алучылар белән «Спорт – ул тормыш!» дигән чара үткәрде.

Чараның башында инструтор уйнап торган көйгә ачык һавада күңелле гимнастика уздырды. Шуннан соң катнашучылар ике төркемгә бүленеп, «Үз-үзең белән таныштыр», «Бу нинди көй?», «Кем тизрәк?», «Табышмакны чиш» кебек биремнәрне үтәделәр. Катнашучылар үзләрен тапкыр, җитез һәм түзем дип күрсәтте.

Чарада барлыгы алты кеше катнашты.