«Өмет» үзәгендә наркотикларга каршы акция кысаларында чара уздырдылар
3 нче июньнән Биектау районының «Өмет» халыкка социаль хезмәт күрсәтү комплекслы үзәгендә индивидуаль формада социаль хезмәтләр күрсәтү буенча эш башланды. Чаралар үткәргәндә гаиләгә һәм балаларга социаль ярдәм бүлекчәсе белгечләре гражданнарның санитар-эпидемиологик куркынычсызлыгы буенча барлык чараларны да үтиләр.
Бүген «Наркотикларсыз тормыш» республика акциясе кысаларында кече яшьтәге мәктәп балалары белән «Аңлы тәртип формалаштыру» дигән профилактик дәрес үткәрелде. «Сестрица Аленушка и братец Иванушка» әкияте мисалында балалар куркыныч янау турында хәбәрләрне күрергә, килеп туган хәлне чишүнең уңай ысулларын билгеләргә өйрәнделәр. Балаларда аңны бутаучы матдәләр куллануның тискәре нәтиҗәләре турында төгәл күзаллау, адаптатив үз-үзеңне тоту стратегияләре формалаштырылды.
Дәрестә балалар зур кызыксыну белән ассоциатив тест тутырдылар, «Кешегә начар яисә рәхәт булганда, ул нәрсә эшли» дигән проектлы рәсем ясадылар.