Россия көне уңаеннан Кама Аланы интернатында спорт турнирлары узды

2020 елның 16 июне, сишәмбе

Социаль хезмәт алучыларның ялын оештыру, ватанпәрварлык хисе тәрбияләү максатыннан Кама Аланы психоневрология интернатында спорт чаралары үткәрелде.

Футбол матчында 10 кеше катнашты. Командаларга җанатарлар – интернат-йортта яшәүчеләр һәм хезмәткәрләр – көч биреп торды.

Берәүләр үзләренең осталыкларын футбол кырында күрсәтсә, башка социаль хезмәт алучылар волейбол уйнадылар. Турнирда 8 кеше катнашты, алар барысы да яхшы физик әзерлек күрсәттеләр.

Катнашучылар да, спорт чараларын тамаша кылучылар да уеннардан бик күп уңай эмоцияләр алдылар, ә ахырда ясалган фото мавыктыргыч ярыш турында һәркемнең исенә төшереп торачак.