Социаль хезмәт күрсәтү белгечләре җәйге чорда балаларның иминлеген тәэмин итү өчен дәресләр үткәрәләр

2020 елның 10 июне, чәршәмбе

Казан шәһәренең Вахитов районындагы гаиләгә һәм балаларга социаль ярдәм бүлеге белгече социаль хезмәт алучылар белән «Куркынычсыз җәй кагыйдәләре» темасына онлайн-консультация үткәрде. Чараның максаты җәйге каникуллар вакытында балигъ булмаганнарның үз-үзен тотышы күнекмәләрен формалаштыру иде.

Дистанцион консультация барышында катнашучылар югары дәрәҗәдә куркыныч булган зоналарда, тимер юл транспорты объектларында үз-үзеңне тоту кагыйдәләре турында фикер алыштылар. Чарадан соң Казан шәһәре халыкка социаль хезмәт күрсәтү комплекслы үзәге белгече электрон почта аша социаль хезмәт алучы гаиләләргә тимер юл транспорты объектларында үз-үзеңне тоту кагыйдәләрен аңлатучы буклетлар җибәрде.